من أول يوم زواج، وهو يطلب مني أدلّك له… بس والله العظيم ما أعرف. ما عمري سويت هالشي قبل، ولا أحد علمني، وكل مرة أحاول فيها ألمسه أو أبدأ، يتأفف ويقول لي: "مو جذي! إنتي ما تعرفين، ما عندج أسلوب، ليش جذي تسوين؟ عورتيني!"
زوجي يطلب مني أدلك حقه!!!
أحس بإحباط… أنقهر على نفسي. مرات يقعد معصب، ومرات حتى يدزني بإيده ويقول لي "دفشة"، ويطالعني بنظرة تقهر كأني شي ما يسوى. يقول لي: "إيدج غليظة! ما فيج إحساس!"… أنا أحاول، من قلبي أحاول، بس ما أدري شنو الصح، ولا هو مرة هدأ وقال لي "سوي جذي أو جذي"، بس على طول يصارخ أو يزفني.
مرات أطلع من الغرفة وأنا بعيّت، أحس بفشل… أحس إني ناقصة.
شلون تبيني أعرف إذا إنت ما علمتني؟ شلون تبيني أكون ممتازة من أول لمسة؟
أنا ما عندي خبرة، أنا إنسانة عادية… وأبسط شي كنت أتمنى منه شوية رحمة، شوية تفهّم.
خايفة أكرهه بسبب هالتصرف… وخايفة أكره نفسي أكثر.
كل ما يقولي "دلكيني"، قلبي يرجف مو من الخجل، من الرعب… لأني أدري إن النهاية بتكون شتيمة أو نظرة استحقار.
ساعدوني… شلون أتعلم؟ وشلون أرحم نفسي من هالإهانة المتكررة؟
ليست هناك تعليقات:
إرسال تعليق