زوجي صامت معي ومع غيري راديو
يا بنات، عندي مشكله أبي أشارككم فيها، ويمكن في أحد مرت عليها وتفيدني، لأني والله تعبت نفسياً.
زوجي ما يتكلم معي أبد، يعني لو صار له شي، لو صار موقف، لو حتى موضوع بسيط صار له بالشغل أو مع أهله، ما يجي يقوله لي.
أنا آخر من يعلم، ولا كأني زوجته.
كل الناس تدري وهو ولا كلمة، وأقعد أسمع من فلان وعلان، أو بالصدفه يطلع لي شي، بس من لسانه؟ مستحيل.
مرّه سألته ليه ما تشاركني؟
قال لي: "أنا واثق فيك، عارف إنك ما تطلعين الكلام برا، عشان كذا ما أقولك."
طيب وش الفايده من الثقه إذا أنا ما أدري عن حياتك ولا شي؟
أنا زوجتك، مو جدار. لازم يكون بينّا حوار، لازم أحس إني جزء من يومك، مو بس موجوده وساكته.
المشكله إنه الوضع هذا له سنين، وكل يوم أحس البُعد بينّا يزيد.
مو لأنه يكرهني، بس كأنه ما يشوف ضروره إني أعرف، كأنه متعوّد يحتفظ بكل شي لنفسه، وأنا ما صرت أعرف شلون أتعامل مع هالبرود.
الزعل مو لأنه صار بينّا شي كبير أو خلافات، الزعل لأني ما أحس إني شريكة،
ما أحس إن لي دور فعلي بحياته، غير إني أطبخ وأنظف وخلاص.
إذا في وحده مرت بشي مثل كذا، كيف قدرت تتعامل؟
هل في طريقه أفتح معه باب الحوار من غير ما يحس إني أتدخل أو أضغط عليه؟
ولا هذا طبع وما يتغيّر؟
شاركوني لو سمحتوا، لأن الوضع صدق مأثر عليّ.
ليست هناك تعليقات:
إرسال تعليق