زوجي استغلالي وطماع وياخذ فلوسي
زوجي ياخذ فلوسي ، زوجي ياخذ فلوسي, زوجي ياخذ مني فلوس, زوجي يأخذ راتبي, زوجي ياخذ من راتبي, زوجي ياخذ كل راتبي
ساعدوني واللي يرحم والديكم، تعبت وطلعت روحي من القهر مو قادرة أتحمل أكثر ، إيه والله إني هلكت وصرت أكلم نفسي من الغيض وش ذا الرجال اللي عندي، ليتني ما تزوجت ليتني جلست في بيت أبوي، اصرف على اهلي ابرك لي من ذا الحرامي اللي تزوجته ما يخلي فلس واحد في حسابي.
عمري 29 سنه، وتزوجت من مطلق، لاني حسب مقاييس حارتنا صرت عانس من بلغت الـ27 سنه بدون زواج وفي النهاية قبلت اتزوج من رجال مطلق ، قال إن العيب من طليقته وأنها كانت وحده نكدية وطماعة وطول اليوم مشاكل معه وكلام كثير ما له عازه
المهم تزوجته من سنتين وقلت على الله يصير حظه معي أفضل من حظه معها، ونعيش حياه زوجية سعيدة لكني اكتشفت بعد الزواج بكم من شهر إنه مفلس طول الوقت مع إنه راتبه زين أكثر من راتبي مرتين، ومرتاح ماديا اهله عندهم خير ، لكن ما ادري وين تروح فلوسه يعني في البداية قلت يمكن الرجال بخيل أو موفر لكن اكتشفت انه مفلس وبس ...
حملت بعد الزواج بشهرين وعندي منه ولد وحاليا حامل في الرابع، لكني مو حاسة مع بالامان طول الوقت مشاكل معه على الفلوس ما يشبع وما يخلي في بطاقتي فلس واحد اصرفه على البيت شكيت انه مدمن وراقبته ما لقيت أي دليل انه يتعاطى
لكني لاحظت عليه شيء غريب يحب الفشخرة والاستعراض عند الناس ويحب يقول " عندي وعندي " وهو أصلا ما عنده شيء حتى أهله اكتشفت ان اغلبهم ما يكلمونه لانهم ملو منه ومن حركاته طول الوقت يطلب سلفة من اللي يسوى واللي ما يسوى وفي المقابل يسوي نفسه قدام ربعه وصدقانه إنه عنده وإنه مريش
مريض هذا مريض ما فيها كلام
لكن أنا وش ذنبي أنا ولدي نعاني من استهتاره ؟ وش اقدر اسوي معه ؟ كيف اخلص نفسي من هالزواج الورطة ؟
فهمت سبب طلاقه دحين فهمت إن زوجته الأولى ما قدرت تتحمل علته والحين جاء دوري انا لازم انفذ بجلدي لكن ما اعرف كيف دلوني تكفون؟
ما اريد اقعد معه، في بيته ، طول الوقت أنا وولدي جيعانين لانه ما يخلي لنا أي مصرف نشتري به لوازم البيت والمطبخ
وأنا حامل ومحتاج غذا ومو قادرة اتحمل اكثر
حتى اهله من كلمتهم قالوا ما لنا شغل فيه ما منه فايده تخيلوا.......!
تعبانه ومحتارة ومقهورة قهر عمري صار لي سنة ما شريت لبس جديد وأنا موظفة ومحتاجة البس،
لكن إذا مطعم في بيتي مو قادر أجيب كيف أفكر في لبس ؟ ساعدوني تكفون دلوني إيش اسوي ؟
يمكنك أن تترك تعليقك هنا
كمجهول،
دون الكشف عن هويتك.
ليست هناك تعليقات:
إرسال تعليق