زوجي أصبح لا يطيقني، كان يحبني وتغير، واضح من تصرفاته إنه ماعاد يحبني، كل تصرفات الزوج الذي لا يحب زوجته فيه، بس هو ماكان كذا سابقا، كان يحبني، ويهتم فيني، ويسأل عني شو ناقصني وشو يسعدني، لكن الحين تغير فجأة فشو تسوي إذا حسيتي زوجك متغير، كيف تتصرفين؟ وكيف تعرفين إذا زوجك بعده يريدك أو ما يريدك خلاص!!!
محاور المشكلة
- زوجي كان يحبني وتغير
- إذا حسيتي زوجك متغير
- زوجي متغير علي بدون سبب
- كيف تعيشين مع زوج لا يحبك
- كيف تعرفين أن زوجك لا يريدك
- تصرفات الزوج الذي لا يحب زوجته
في بداية زواجنا عشت معه أجمل وأحلى أيام وأول سنتين من الزواج كانت من أجمل سنوات حياتي، وحياته على حد تعبيره، لكن بعد سنتين بدا البرود في علاقتنا والملل يتسرب لحياتنا، وحاولت والله إني حاولت بكل ما عندي من ثقافة وأفكار إني أجدد وأغير في علاقتنا بس هو ماكان يساعدني كله ينتقدني وينتقد أي شي أسويه،
يعني مثلا إذا سويت حفلة بسيطة في الليل بمناسبة يوم زواجنا، ينتقد الحركة ويقول لي ما يجوز ومن ذا الكلام، وإذا سويت حركة يعني مثلا إني برقص له وبنسوي ليلة حمراء ومن هالشغلات يقول عن النتنقز استحي على وجهك صار عندك بزر!!!
وصل فيه الحد إنه صار ينتقد حتى ثيابي، يعني أي ملابس عريانه ما يحبها مع إني ألبسها له في جناحنا مافيه احد غيره يشوفني، لكن يقعد يتظنز وينغزني بالكلام ويقول لي وين طالعة؟ أقول له ما أني طالعة لابسته لك في البيت، مرة لقاني لابسه بوت، بكعب على تنورة مني سكيرت يعني قلت يمكن تجذبه، لكنه علق تعليق جرحني، يعني بدا قالي: على وين؟ بتخوضين الوادي!!! " قلت له : هذا بوت وادي الحين؟!! هذا بوت إثارة يلبسونه البنات للإغراء" قالي: " ليش وأنت مفكرة نفسك بنت يعني !!! عاد أنت قد صرت أم وراحت عليكي !!!"
قهرني كلامه، يعني أنا صرت أم وهو وش صار؟ حتى هو صار أب، ولا يعني الأمهات خلاص أنتهت صلاحياتهن كزوجات مثيرات ولا شو قصته ذا !!!
بعدين 24 ساعة قاعد في المجلس قافل على حاله، كل ما أسأل أخوانه عنه يتغامزون، ويقولون في المجلس، عنده رجال!!! بصراحة صرت أشك فيه، يمكن قاعد يخوني، وجالس في المجلس يكلم وحده مثلا،
يجلس في المجلس طول اليوم، يعني الظهر من بيجيه هو ويا وجهه، الناس الظهر تقيل وتنام، عند أهلها تجلس مو تفرفر بين البيوت، لكنه هو يجلس لوحده إيش يسوي في ذا القايلة في المجلس !!! غمزات أخوانه شككتني إنه في شيء!!!
صاير حتى في الفراش باااااااااارد، لا ويقول لي ما لي نفس، إذا انت ودك قومي سوي اللي تبينه، هذا هو عندك!!! تخيلوا بس إيش يقول؟ يعني قصده قومي أنت وخلصي بمعرفتك، طيب كييييييييييييف، مو لازم يقوم بالأول، ومن كم شهر ما يقوم وإن حاولت معه بالعافية يقوم كم دقيقة ويرجع ينام، لكن هو ما عنده مشكلة، لانه عادة يكون عنده انتصاب إذا جلس لوحده يطالع في جواله!!! أنا أرقبه من بعيد وألاحظ عليه حتى يتلمس عضوه وقت ما يشوف الجوال؟
حاولت أطيح على جواله، لكن ما يتركه من يده ثانية، طول الوقت يا في يده يا إنه في جيبه، وحتى إذا نام يحطه تحت المخدة !!! إيش أسوي معه ساااااااعدوني لأني حدي بجن من تصرفاته،
زمان ما ينام إلا ومسويها معي ودحين ما ينام إلا بعد ما يقعد في المجلس ساعة على الأقل، وإذا طلع من البيت يقفل جواله وماعاد أعرف عنه أي شيء، أسأل عنه أخوانه وأمه وأبوه يقولون مقفل جواله!!! يختفي من الصبح إلين الليل، لا يتصل ولا يسأل ولا يهتم، وأنا قدني حامل ثاني طفل ليا، وحملت قلت يمكن الحمل يرده ويخليه مهتم، لكن ولا همه حمالي،
حتى يوم قلت له إني حامل تضايق، وصار يناظر فيني ويقول لي: حملتي عشان تجلسيني جنبك، عمر الحمال ما يقيد الرجال عند مرته!!!" ما أدري إيش يبغي ذا مني، ولإيش يلمح!!! يعني كلامه يقول إنه مخطط يخليني ما يريدني يمكن ولا وش ذا الراي؟!
ساعدوني، لأني عجزت أفكر في أي شيء خلاص عقلي إنشل من التفكير ووصلت لبيبان مسدودة!!!
يمكنك أن تترك تعليقك هنا
كمجهول،
دون الكشف عن هويتك.
ليست هناك تعليقات:
إرسال تعليق