خايفة يكون زوجي أخذ فكرة شينة عني بعد ما راسلته!
أنا معقود قراني على ابن خالي، وبعائلتنا فيه عادات صارمة بخصوص فترة الملكة، ما في تواصل بين الزوجين، لا مكالمات ولا زيارات نهائيًا.
قبل كم يوم، اضطرّيت أرسل له رسالة على إيميله أطلب منه رقم ضروري، الرسالة كانت مختصرة جدًا ومجرد طلب، ما فيها أي كلام خارج عن الرسمي.
لكن ما لقيت منه أي رد، ومرّت كم يوم بدون أي تفاعل، وأنا الآن حايسة بأفكاري! خصوصًا إنه شخصيته شمالية، باردة، وهادئ جدًا.
زادت شكوكي لما جتني إضافة من إيميل غريب بعدها بيوم أو يومين على إيميلي، وما قبلتها، بس في قلبي خوف إنه يكون هو، يحاول يختبرني أو يشوف ردة فعلي.
الآن أنا محتارة،
هل أسكت وأسوي نفسي ما أرسلت شي؟
ولا أرسل له أوضح له إن أمي تدري إني راسلته وإنه كان شي ضروري فقط؟
خايفة يفكر إني أتحجج عشان أفتح تواصل، أو ياخذ فكرة شينة عني…
مره محتارة ومو عارفة وش التصرف الصح.
ليست هناك تعليقات:
إرسال تعليق