تجربتي في الزواج من مطلق، سلبيات الزواج من رجل مطلق، زواج البكر من مطلق، لا تتزوجي رجل مطلق، ندمت أني تزوجت مطلق، تزوجت مطلق وطلقني، تجارب الزواج من رجل مطلق، الزواج من رجل مطلق ثلاث مرات.
تزوجت مطلق ما عنده عيال واكتشفت الكارثة !!!!
أقسم بالله للحين مو مستوعبة شنو اللي صار لي.
أنا مطلقة وعندي طفلين، وتقدم لي واحد الكل يمدحه، الكل يحلف إنه خوش رجال، ملتزم، أخلاقه عالية، لحيته طويلة وثوبه قصير، تقولين ملاك نازل من السما.
يوم سألنا عن سبب طلاقه من زوجته الأولى، قالوا إنه عنده (عدم قدرة على الإنجاب)، وإن مرته كانت تبي عيال وهو ما يقدر، فصار الطلاق، قلت مو مشكلة أنا طبيعي عندي طفلين الحمدلله يعوضوني ويعوضونه.
حتى لما سألناه جدام أهلي، قالها بلسانه: (مشكلتي بس عدم إنجاب، غيره ما فيني شي).
استخرت، وتوكلت على ربي، ورضيت فيه، وقلت عادي..
تزوجته... ويا ليتني ما وافقت.
من أول ليلة حسيت إنه في شي غلط.. حسيت إني غريبة جدامه.
لا لمس، لا مشاعر، لا اهتمام.. كأني خدامة مو زوجته.
حاولت أبرر، قلت يمكن مستحي، يمكن خايف، يمكن يبيله وقت..
بس الأيام قامت تمر، والصدمة تكبر بقلبي.
الريّال مو بس عنده مشكلة إنجاب.. الريّال ما يقدر يكون زوج أصلاً.
عنده ضعف جنسي تام، وما قال لنا ولا لمح حتى، خدعني وخدع أهلي.
كل يوم كنت أموت من القهر.. أنام وأنا أبجي، أصحى وأنا مكسورة.
كرهته.. كرهته من قلبي.
كنت أحسه بس حاطني بالشقة عشان يخلي شكله جدام الناس إنه متزوج، بس بالحقيقة ولا شي.
لا بيت حقيقي، ولا حياة زوجية، ولا حب، ولا حتى احترام.
حسبي الله ونعم الوكيل فيه.
ليش تغش وتخدع بنت الناس؟ ليش ما تصارح من البداية، وخلي الواحد يقرر إذا يبي يكمل أو لا؟
ضيعت شهور من عمري، كسرت نفسيتي، حرمتني حتى من أبسط حقوقي كزوجة.
والحين، خلاص.. قررت أطلب الطلاق.
ما أبي أكمل مع إنسان ما يخاف الله، ولا عنده ذرة رجولة إنه يكون صادق معاي.
كافي وجع، كافي كسر، كافي تمثيل.
أبي أطلع من هالتجربة وأرجع ألملم روحي، قبل لا أضيع أكثر.
ليست هناك تعليقات:
إرسال تعليق