"زوجي السابق يلمّح للرجعة... وأنا واجهته بكل وجعي" أهنت طليقي الجنوبي الغربي
السلام عليكم ورحمة الله وبركاته،
أخواتي، أنا كنت متزوجة من رجل أهانني كثيرًا خلال زواجنا، وكان دايمًا ياخذ بدون ما يعطي، أنا عطيت من قلبي ووقتي ومشاعري، لكن هو ما قدّر ولا احترم.
وصلنا في النهاية للانفصال، وانتهى كل شي رسمي.
بعد الطلاق بدأ يحاول يرجع، لكن مو بشكل واضح، ما قال صراحة إنه يبي يرجع، بس يلمّح ويحاول يجس نبضي بكلام وتلميحات، وكأنه ينتظر مني أفتح له الباب.
الليلة صار بيننا تواصل، وكنت جدًا موجوعة، وما سكت.
واجهته بكل اللي سوّاه فيني، وقلت له إن قلبي تغير، وإنه ما عاد فيه شي مثل قبل، ما عاد أقدر أرجع أكون نفس الإنسانة اللي كانت معه.
وصل فيه الألم إنه ما قدر يرد، كان واضح عليه التأثر، لكنه ما نطق بكلمة خوفًا إني أزعل أكثر.
هو "نمطه جنوبي غربي"، وأنا حاليًا محتارة:
كيف ممكن يتصرف بعد هذا الموقف؟
هل رح يبتعد؟ هل رح يحاول من جديد؟
وش اللي يكون يدور في بال الشخص الجنوبي الغربي بهاللحظة؟
هل ممكن فعلًا يتأثر ويتغير؟ ولا خلاص ينكمش وينسحب؟
اللي عندها خبرة في تحليل الأنماط أو مرت بشي مشابه، تفيدني.
أنا مو طالبة قرار أو نصيحة، بس أبي أفهم نفسيته وتصرفه المحتمل بعد اللي صار.
وشكرًا لكم مقدمًا.
هناك تعليق واحد:
أضم صوتي لصوتك من قلبي يا أختي، لأني والله عايشة شيء مشابه، مع اختلاف التفاصيل بس الوجع واحد!
أنا بعد، كان زوجي "جنوبي غربي"، هادي، طيب بس غامض، دايمًا يميل للسكوت وقت الزعل، وما يحب المواجهة، ولما انفصلنا كنت أظن إنه نسى… بس بعد فترة، بدى يرجع بكلام غامض وتلميحات، كأنه يقول "أنا موجود، بس انتِ قرري".
والمشكلة؟ إني مثلك… قلبي تعب، تغير، ما عاد أقدر أرجع بنفس المشاعر، وحتى لو حسّيت لحظة حنين، أذكر كيف كنت أعيش وأنا مكسورة.
الجنوبي الغربي غالبًا لما ينجرح، ينكمش، ما يرد بسرعة، بس ما ينسى.
يبقى يراقب من بعيد، يحاول يرجع بطريقة ما تكسر كرامته، ومرات يفضّل يسحب نفسه إذا حس إن الوضع خلاص انتهى عاطفيًا.
فأنا زيّك، جالسة أفكر…
هل بيرجع ويحاول بشكل أوضح؟
ولا بيكتفي بالتلميح ويروح؟
أتمنى اللي عندهم خبرة أو مروا بنفس نمط الرجال يعطونا رأيهم، لأن النفسية بهالمرحلة تصير مشوشة، والعقل محتار بين الألم القديم وبين أي بادرة أمل جديدة.
فـ يا بنات، اللي عندها تجربة مع "جنوبي غربي" في الرجعة بعد الانفصال، تكلمونا… نبي نفهم هالنوع أكثر، وش يسوي؟ وش يفكر فيه؟
هل يغيّر؟ ولا هو مثل ما هو؟ 🙏🏻
إرسال تعليق