زوجي قاسي ومتجاهلني عاطفيا !!!

قسوة الزوج على زوجته، الزوج القاسي، أسباب قسوة الزوج على زوجته، الزوج القاسي العنيد، زوجي قاسي وعصبي، لماذا يعامل الزوج زوجته بجفاء، 

زوجي قاسي ومتجاهلني عاطفيا !!!

 أنا متزوجة من سنة ونص، وصدقوني، من أول أيام الزواج كنت أقول "يمكن كل شي بيتغير مع الوقت، يمكن تزيد المحبة ويكبر الاهتمام"، بس اللي صار العكس تمامًا… بدايتي معه كانت فيها شوية اهتمام، كلام حلو بسيط، بس بعد ما حس نفسه "شبع" مني، رجع لطبيعته الباردة والساكتة، وكل ما له يزيد الجفاف اللي بينّا.

مشكلتي معه مو بس إنه ساكت أو ما يحب يتكلم، المشكلة إنه إذا زعل أو تضايق من أبسط شي، يقلب علي كأني عدوه، يسحب علي، ولا كأني زوجته… لا يسمعني، ولا يناقشني، ولا حتى يرضى يرد على مسج! بس أنا؟ لاااا، أنا لو زعلت أو ضايقت، كأن سويت جريمة! لازم أسكت، لازم أرضى، لازم ما أزعله، وكأن مشاعري أنا ما لها قيمة!

خاطري والله، خاطري لو يوم يشوفني أبكي يمسح دمعتي، يقول لي كلمة حلوة، يقول لي: "لا تزعلي حبيبتي"... بس أبد، ما يتكرم علي بكلمة! حتى المسجات اللي أكتبها له، أفضفض فيها، أو أشرح له زعلي، يقرّاها ويسكت، ولا يرد، ولا كأني كتبت له شي.

وأنا؟ قلبي ما يتحمل الزعل، أروح بنفسي وأراضيه، وأقول له كل اللي في خاطري، وأبكي، وهو؟ يعطي ظهره، ولا كأني قاعدة أتكلم! أحس إني أعيش مع جدار، جدار ما يحس، ما يسمع، ما يرد.

والله يا بنات، أنا فيني جفاف عاطفي متعبني، متعبني نفسياً من كثر ما أحتوي وأسكت وأرضى وأكابر، ودايم أقول: "يمكن يتغير… يمكن يحس"، بس هو مو حاس، ولا مهتم، وأنا قاعدة أنطفي شوي شوي.

أنا مو بس محتاجة حب، أنا محتاجة أتحس، محتاجة كلمة طيبة، نظرة حنونة، يد تمسح على راسي، بس للأسف، كل هذا مو موجود، وأنا عايشة بدونه وأتألم بصمت.