زوجي شمالي شرقي ويدور مسيار

 "زوجي مشترك في مواقع زواج مسيار وأفكر أتصرف بسريّة"

أنا أمس اتصلت على جوال زوجي من الهاتف الثابت، وفجأة ردت عليّ امرأة!
طبعًا، انصدمت جدًا، وكلمته على طول في الدوام وسألته مين اللي ردت، لكنه تظاهر بالاستغراب وقال "مدري، يمكن رقمك غلط."

لكن اللي لاحظته وقتها إنه ارتبك بشكل واضح، كأنه خاف.

بصراحة، من فترة لاحظت إنه مشترك في مواقع زواج مسيار، وأكثر من مرة تجيه رسائل من نساء، وبعضهم يكتب له كلام واضح وصريح مثل: "أنا اخترتك لأنك أعجبتني."
والمشكلة إنه يتفاعل معهم، حتى وهو جالس معي يقوم ويشيك على جواله.

أنا متابعة الموضوع من بعيد، وأشوف وش اللي يوصل له، بس ساكته.
الغريب إنه حتى اسمه الكامل حاطه تقريبًا، كأنه جاد جدًا في الموضوع، وهذا أكثر شيء يقهرني.

فكرت إني ما أواجهه مباشرة، لكن أرسل له من رقم ثاني (شريحة جديدة) رسالة تهزّه وتخليه يحس إنه مكشوف، مثل ما ذكر الدكتور طارق الحبيب في وحدة من محاضراته عن التعامل مع الشخصية الخائفة.
أنا هدفي أوصله لمرحلة يخاف ويعيد حساباته.

زوجي شمالي شرقي ومريض بالسكر، يعني من النوع اللي يخاف على نفسه، بس ما يبين.
الغيرة ذبحتني، وكل يوم يمر أحس أن الموضوع قاعد يكبر، وأخاف يتحول من تواصل لعلاقة أو خيانة حقيقية.

أنا فعلاً محتارة ومقهورة.
أبغى أتعامل مع الوضع بحكمة وهدوء، بس بدون ما أظل ساكتة، لأني أحس بصمتي قاعدة أضيع حقي.