زوجي يكلم بنات هل اطلب الطلاق

زوجي يكلم بنات هل اطلب الطلاق، من يكلم بنات وهو متزوج، زوجي يكلم وحده بالواتس اب، زوجي يكلم بنات، زوجي يكلم بنات سناب، زوجي يكلم بنات هل اطلب الطلاق، عقاب الزوج الذي يكلم امرأة أخرى في التليفون، ليش المتزوج يكلم بنات؟ نصيحة للي زوجها يكلم بنات، زوجي يخونني هل أطلب الطلاق.

 بنات الحقوني صارت مع مصيبه مع زوجي وما أدري إش اسوي معه

من يومين قلت له أريد مقاضي للبيت قال روحي جيبيهم بنفسك وهذي مو عوايده  العادة هو يجيب مقاضي البيت بنفسه فقلت له ليه ما تجيبهم انت في طريقك للبيت قال مشغول قلت له إش شاغلك قال مو شغلك !!!

انصدمت من رده ونفسنته علي وقلة احترامه لي وحتى من غير ما يودعني قفل المكالمة في وجهي اتصلت عليه من جديد وسألته إش بك تكلمني بنفس شينه ومن غير نفس قال مو شغلك ولا عاد تتصلين قلت لك إني مشغول !!! طيب مشغول في إيش وليش ما يقول ويعلمني!!!

طبعا روحت جبت المقاضي ورجعت على البيت إلا أشوف جالس بالصالة والمقاضي حوله، قلت له إيش هذا، قال المقاضي اللي انتي طلبتيهم قلت له بس أنت قلت ما بتجيبهم وأنا رحت السوق وجبتهم كيف كذا ما تعلمني انك بتجيب المقاضي دالحين إش اسوي فيهم صاروا كثير وبيخربوا

قام منفسن بزياده ويصرخ علي ويقول ما فهمت لك إش تبغي بالضبط مرة تقولين جيب المقاضي ومرة تلوميني إني جبتهم إش تبغين مني أسوي لك عشان ارتاح من حنك وصار يكلمني باسلوب مرة زفت وصرت اطالع فيه مصدومة وودي أبكي ...

المهم من ثاني يوم وأنا أغسل ملابسه لاحظت إن عليهم بقع حمراء متفرقة فكذا مكان في الياقة وعلى الكم وعند الكتف وعلى الجيب طبعا أنا عقلي طار ما ادري إش هذا قربت منه وشميته طلع حمره بريحة الفواكه

أنا هنا جنيت ما قدرت أمسك اعصابي رحت له وكان جالس في الصالة قلت له اش هذا والبارح من كلمتك وين كنت وليش كن متنرفز من اتصالي وكأني قطعت عليك وصرت أسأله وهو يناظرني مصدوم لكن فجأة صار يصارخ وراح مسكني من ذراعي وسحبني لداخل غرفة النوم وقفل علي من برع وقال لي خلك هنا إلين تعقلي ....

زوجي يكلم بنات هل اطلب الطلاق

طبعا أنا جن جنوني أكثر وعرف من ردة فعله إنه مسوي شيء مرة شين وإنه عنده علاقة وإني البارح من كلمته كان عندها عند وحده ثانية وأنه غضب مني وصار يكلمني بنرفزه لاني خربت عليها الجو باتصالي وطلباتي وقطعت عليه الوقت اللي كان يقضيه معها ...

صرت اصرخ عليه واقول افتح الباب يا إما أسوي بنفسي شي وأبليك فيني افتح دحين الباب وصرت أهدده 

وطبعا هو من الخوف فتح الباب وقال لي إش فيكي جنيتي خلاص وصايره تأليف علي قصص وتبين تبليني كمان إش اللي صاير في عقلك قلت له إش اللي على ثوبك من فين جتك هذه الحمرة على ملابسك 

قال هذي حلاوة ما هي حمرة وإن زميلهم في العمل وزع عليهم حلاوة بمناسبة ولادة زوجته وانه علبة الحلاوة انفتحت بالغلط على ثيابه وتركت هاللون الاحمر  على ثوبه 

طبعا انا ما صدقت كلامه لانه فيه شعور في داخلي يقول انه كذاب وانه البارح كان مع وحده وتنرفز من اتصلت عليه 

طلعت من الغرفة بعدين قلت له هات جوالك افتح قدامي اريد اشوفه طبعا تنزفز مرة وقال ما يخصك تشوفي جوالي لكني قلت له اجباري اشوفه أو إني اترك لك البيت وأروح عند هلي ما عدت اثق فيك من اليوم ورايح 

زوجي يكلم بنات هل اطلب الطلاق

وصار يحاول يهديني لكنه ما يريدني اشوف جواله هنا انا شكيت فيه أكثر وقلت له يا أشوف الجوال دحين وحالا يا توديني بيت أهلي وما عاد تشوف وجهي إلين تموت 

طبعا هنا هو انهار وصار يعترف إنه البارح كان عند وحده فعلا وانه ندم وإنه ما كان يقصد وإن ذي وحده من الشارع وانه ندمان وكلام كثير وصار يبكي ويترجاني اسامحه طبعا انا انهرت ما كانت ادري اني بنهار كذا انهرت حسيت روحي طلعت من جسمي ما عدت  احس بالدنيا من حولي وصرت ارجف من الصدمة 

قلت له خليني اشوف جوالك اريد  اشوفه ما رضي يخليني اشوف الجوال فقمت على طول سرقت جواله من يده وركضت على الحمام دخلت هناك وقفلت الباب وصار يحاول يفتح الباب علي من برع وما قدر 

انا جلست في الحمام أحاول افتح جواله وبعد دقايق قدرت افتحه وهو ما ادري وين فيه كأنه راح يدور شيء يكسر الباب 

المهم دخلت على مكالماته وشفت الكوارث 

مو بنت وحدة إلا بنات كثير وكل وحدة مرسله له صورها عريانه او شبه عريانه وزوجي مرسل كمان صوره عريان وشبه عريان ومحادثات قذره كلها كلام قبيح بينه وبينهم والمصيبه فيه منهم بنات ناس يعني ماهن من الشارع كما يقول 

انا انهرت وفقدت اعصابي وصرت اكسر في جواله واصرخ في الحمام ما اعرف ليش كسرته مع انه كان دليل عليه لكن ما قدرت اتحكم في نفسي وتركت له البيت وروحت بيت ابي وجالسه عندهم من يومين ومصدومه وما اعرف اش اسوي 

مقهووووووووووووره وتعبانه من التفكير والصدمه ما اردي ليش سوى فيني كذا اش يدور اش ناقصه كل شيء يشتهيه اسوي له كل شي يطلبه منه البيه له اش قاصر عليه !!!

تعبت من التفكير...