زوجي منكد علي حياتي

زوجي منكد علي حياتي 💔

صار له فتره زوجي يمر بظروف صعبه، وأنا والله ما قصرت.. صابره، متحمله، متنازله عن أشياء كثيره، وكل هذا عشان أراعي نفسيته لأنها متقلبة ومتوترة 😔. من شهر ونص تقريبًا، وأنا اللي أشيل الحمل كله في البيت.. أحاول أهون عليه، أوقف معاه، أتحمله حتى وهو ساكت أو معصب أو بارد.

بس قبل يومين قال لي فجأة: "يلا نطلع نشتري أشياء للبنت، لها فتره ما اشترينا لها شي"، أنا والله فرحت 😢، قلت أخيرًا شوي يفرّحها، شوي يرفّه عنها، شوي نشم هوا ونطلع. لبست أنا والبنت وتحمسنا، وطلعنا معاه، لكنه من أول الطريق معصب، يسب ويشتم بكل شي، حتى البنت كانت تبكي من صوت عصبيته وأنا ساكته.. قلبي يتقطع وما أقدر أقول شيء 💔.

أخذنا مكان بعيد، وسألني: "في شي هنا للأطفال؟" قلت له لا، ما فيه. قام يسب المكان والبلد والناس، قلت له بهدوء: "نرجع البيت ونطلع بوقت ثاني"، لكنه زاد عصبية وقال: "خلاص اسكتي، بنروح وامري لله!" 😞

ما لقينا مواقف بسبب الزحمة، فصار يصرخ أكثر ويسب من جديد. وأنا والله دمعت عيني من القهر، بس ما شاف، كنت مغطية وجهي. رجعنا البيت بعد أقل من نص ساعة، ما اشترينا شي، ولا البنت انبسطت، ولا شي صار من اللي وعد فيه.

نزلني البيت وراح يكمل مشاويره، وأنا مقهورة، مكسورة، ومتحسفة إني صدق فرحت باللحظة اللي حسبتها بتكون "تغيير جو" 😢.

آخر الليل، دخل كأنه ما صار شيء، لا سأل، لا اعتذر، لا حس فيني.. نام وهو مرتاح، وأنا على قلبي جبل. والصبح نفس الشي، مر من جنبي كأني مش موجودة، وطلع للدوام.

أنا ما أقول إن مشاكله مو مهمه، لا، لكن سوء التعامل وكلامه الجارح وبذاءة لسانه شي ما عاد أقدر أتحمله 😞. قرفانة من حياتي، قرفانة من سكووووووووتي، من سلبية ردة فعلي، من دموعي اللي صارت تنزل بلا معنى 💔.

وأفكر بجد إني أروح بيت أهلي كم يوم.. أريح نفسي، وأحس إني موجودة. يمكن أقدر أتنفس شوي بعيد عن نكده وهمّه.