زوجي مع كل نقاش يزعل !!!!

 

مشكلتي مع زوجي إذا تناقشنا

مشكلتي مع زوجي تبدأ كل مرة نحاول نحل فيها موضوع أو نتناقش في أي شي، حتى لو كان شي بسيط. إذا احتد النقاش، يصير كأنه داخل معركة. يحول الموضوع كله ضدي، حتى لو أنا فعليًا على حق، يحاول يركبني الغلط بأي طريقة. وكأنه ما يهمه أصل الموضوع بقدر ما يهمه يطلع هو المنتصر، وبأي وسيلة.

المؤلم إن بعد كل هالنقاش، ما يحاول يطيّب خاطري أو يحسسني إنه حزين لأني تضايقت. العكس تمامًا، يسوي نفسه ولا كأنه صار شي. يكلمني عادي وكأن ما صار بينا أي شي جارح، وأنا أكون من جوّه متضايقة جدًا، مو قادرة حتى أفتح معه كلمة.

وإذا حس إني زعلانة، يزيد الطين بله… يزعل هو بعد، ويصير ما يكلمني! كأني أنا اللي غلطانة عليه، مو هو اللي رفع صوته ولا قلب علي النقاش. وكل مرة ألاقي نفسي أنا اللي أروح أراضيه، وأحاول أرجّع الوضع طبيعي، مع إني المفروض أكون أنا اللي يُراضى. بس شكلي تعودت إني أسكت وأتنازل حتى ما يطول الزعل أكثر.

جربت أواجهه وسألته: ليه ما تاخذ بخاطري؟ ليه ما تحاول تفهم إني أنجرحت؟ يقلبها مرة ثانية زعل، ويبدأ يدافع عن نفسه، ويبي الحق كله معاه.

أنا ما أبي معجزات… بس أبي شوية إحساس، شوية تقدير، أبي زوج إذا زعلني يحس، ويصالح، مو يزيد علي.