زوجي بخيل ومهمل وما ينفق علي !!!!

 تعبت نفسياً.. أنا لي سنتين متزوجة، زوجي مسافر برا منطقتنا عشان شغله، وأنا قاعدة مع أهله، ما عندي عيال، وكل يوم يمر أحسني أذوب من القهر.

زوجي جنوبي شرقي، جربت معاه كل شي.. دلع، حنية، اهتمام، غضب، زعل، سحبتي عليه أيام.. ولا شي نفع! ما يعطيني مصروفي، كل شهر على هالحالة.. كل ما أطلب منه يقول "إن شاء الله أعطيك"، وتروح الأيام ولا يعطيني ولا ريال! وهو يدري تمام إن أهلي يعطوني، وعادي عنده، كأنه مرتاح لهالشي، وأنا أنحرق من جواي.

الأصعب؟ إن سبب تأخر الحمل منه، عنده نقص، ومع كذا رافض يدفع للعلاج. مرة قالي خذي العلاج وبدفّعلك بعدين، وما دفع! اضطريت أوقف العلاج، لأن ما أقدر أستمر كذا، أركض وراه عشان حتى أعالج نفسي؟!

وفوق هذا كله، مديون لأهلي، ومو مهتم يسدد، حتى لما تجيه الرواتب، كلها على نفسه. يعيش حياته ولا كأن له زوجة تحتاج مصروف أو احترام أو بس إحساس!

أنا ساكتة، ما أحب أشكي لأهلي عنه، أقول يمكن يتغير، يمكن يحنّ، يمكن يوم يحس ويشيلني بعينه، بس للأسف.. كل يوم أفقد الأمل أكثر. أحسه زوج بس بالاسم، ما في مسؤولية، ولا حب حقيقي، ولا حتى أدنى تقدير.

وش أسوي؟ هل أكمل في زواج ما فيه كرامة لي؟ تعبت أقول له.. وتعبت أنتظر "إن شاء الله" اللي ما توصل!