خطيبي دبلوم وأنا خريجة كلية… هل بننجح مع بعض؟
أنا بنت خريجة كلية، تعبت على نفسي سنوات، وأحب أقرأ وأتناقش وأخطط لمستقبلي، وتعودت يكون تفكيري شوي أبعد من بس اليوم وباچر.
خطيبي إنسان طيب، دبلوم، وشغّال، وأخلاقه حلوة، بس أحس فيه شيء مو راكب… أحس ما نتلاقى بالفكر.
يعني لما أتكلم عن شي قرأته، أو أتحمس لفكرة مشروع أو أتكلم عن شغفي بالوظيفة، يرد بكلمة أو كلمتين وخلاص. مرات حتى أحس إنه يمل مني أو ما يفهم وش أقصد، بس ساكت ومجامل عشان يرضيني.
مو قصدي أحتقر أحد أبدًا، بالعكس، أحترمه كشخص، وأقدّر إنه اجتهد وتعب على نفسه، بس كل ما تقرب المدة للزواج أحس شي داخلي يسحبني للخلف.
أقول بيني وبين نفسي:
هل أقدر أعيش مع شخص ما يشاركني نفس الطموح؟
هل بكرا إذا جاني عرض وظيفي كبير ببلد ثاني، بيوقف معاي أو بيوقف ضدي؟
هل إذا كبرت وصرت أبي أربي عيالي بطريقتي، بنفهم على بعض ولا بنتصادم؟
أهلي ما عندهم مانع، يشوفونه زين وخلاص، وبعضهم يقولون لي: "وش تبين أكثر من كذا؟"، بس أنا ما أدور على أخلاقه وبس… أدور على شخص أقدر أرتاح له بعقلي وقلبي.
أنا مب ضده، بس خايفة أتخذ قرار يظل يلاحقني العمر كله…
هل فرق المستوى الدراسي يفرق في نجاح الزواج؟
ولا أنا مكبّرة الموضوع؟
أحس قلبي محتار، وعقلي مو قادر يسكت.
ليست هناك تعليقات:
إرسال تعليق