أنا سمراء وزوجي أبيض

 أنا سمراء وزوجي أبيض… وسألت نفسي ليه اختارني؟"

أنا سمراء، سمار خليجي، وزوجي أبيض. هو اختارني عن قناعة بعدما شافني، وكان دائمًا يمدحني ويقول لي إنني جميلة. لكن من فترة بدأت ألاحظ كلامه، خصوصًا لما يتكلم عن شكلي. مرة، كان يتكلم عن شكله ويفضل البياض بشكل واضح، لدرجة أنه لما يشوف واحدة بيضاء، يبدأ يمجد فيها بشكل غير طبيعي.

مثلاً، مرة كان يتكلم عن موظفة جديدة عنده في العمل، وكان يقول عنها: "والله حلوة وبيضاااااااء!"، كنت سامعته وهو يتكلم عن بنت أخته، وقال: "فلانة تلفت الأنظار بجمالها لأنها بيضاء مررررة." هالكلام كان يزعجني، خصوصًا أنه كان عادي بالنسبة له، وأنا كل ما سمعت هذا النوع من التعليقات، كنت أبلع القهر داخلي وأتألم.

لكن اللي ضايقني أكثر من هذا كله، هو لما شاري لي تنورة بيضاء حرير وقصيرة، وقال لي: "أبي أشوفها عليك." لما لبستها، لاحظت أن سيقاني أصبح لونها أسمر أكثر مع اللون الأبيض، لأن الأبيض يسمر الجلد زيادة. ما قدرت ألبسها قدامه لأنه طلع شكلي مختلف عن الصورة اللي في باله، وهذا الشيء أثر فيني كثير.

أنا وياه متملكين من فترة، ولسه ما دخلنا على بعض، وهذا الشيء يزيد من توتري. المشكلة مو في لوني فقط، ولا في اختلاف درجات اللون بيني وبينه، المشكلة في كلامه عن الجمال وكيف يظهر أن البياض عنده هو معيار الجمال. هذا الشيء بدأ يخليني أفكر وأتساءل: ليه اختارني؟ ليه ما أخذ واحدة بيضاء؟ أنا عارفة أني مو بيضاء مثله، وأشعر أنه يتجاهل جمال ملامحي، شعري، جسمي، وكل شيء، ويعلق بس على لوني.

أنا حاولت أكون متصالحة مع نفسي ومع شكلي، وأعلم أنني جميلة كما أنا. لكن كلامه المتكرر هذا عن البياض يؤلمني، لأن كل واحدة منا تتمنى أن تكون جميلة في عين زوجها، وما يكون عندها شكوك بخصوص شكلها أو لونها.